雖然冇砌嘢，但就不斷買新模型，搞到嘆息之牆都有幾座，因此，都係時候的起心肝在未老花之前砌吓嘢，寫吓 blog，免得日後老人痴呆，都唔記得自己都識砌模型。
除清嘢之外，仲有好多春秋大夢，如BB戰士大軍(三國傳都10週年喇)，及每個模型人嘅夢想…原創作品，諗起都覺得人生苦短。
舊 blog 啲圖又唔知點解死晒圖，有幾多隻開咗頭爛尾嘅已經唔記得晒……OK，即係迫我重新開始啦，始終FB唔適合Post文章。
對上一隻叫得上正式完成而又有執過相嘅都只係呢個 Delta Gundam…睇吓嚟緊有咩新作Update啦。
