百式 Revive - 油壓關節

講到百式，基本上必會處理嘅部分就一定係小腿油壓，之前做 Delta 系例時都必定換成自製油壓，不過今次玩大D，做真正有嘅連動油壓。

1. 今次新生百式同之前 Delta 系列有一點分別，因為油壓的裝飾關節部分正正就係一個旋轉關節，所以唔駛諗咁多，改！
   將紅色部分裁走，綠色部份移到腳眼零件上。
2. 剛好黃色部分可以令油壓柱有輕微旋轉，唔駛額外做關節，線色為 0.8mm 厚膠板，將油壓置中。
   油壓柱直徑 4mm 及 2mm 直徑油壓軸。
3. 腳眼零件及油壓軸必需要做成活動的。
4. 連動油壓完成！
5. 同原本大少長度差不多，我只係將油壓柱升高 0.5mm 而已。
6. 細節方面會到最後先加上去，所以比較簡陋。

　 之前的相關文章︰

1. 百式 Revive - 頸部及大腿
2. 百式 Revive - 後裙甲
3. 百式 Revive - 天線
4. 百式 Revive - 後裙甲（二）

百獸王 - 素組

忍唔住砌咗隻百獸王…

呢隻嘢除咗膠質差同要用大力金剛指組合之外，基本上我非常滿意，不論外型及可動性都相當高。

雖說對百獸王有愛的話，必然首選 Bandai 嘅金合魂百獸王，但對於愛砌模型嘅在下，就會選擇模型的。

首先，本款 Super Minipla 係一款食玩模型，膠質差係必然嘅，其次就係硬膠夾硬膠有軟膠關節，而變形亦非全變，當然你唔介意將手腳四獅的手腳屈埋都可以當全變。

另一點模型優勝嘅地方，就係可動性高，而手腳部都分別可以替換獅頭，所以在造型上都得到平衡，唔駛遷就是但一個形型態而失去美感。

武器基本上都跟合金版差不多，所以都冇咩缺失嘅感覺。

又係超級機械人 - 百獸王

Bandai Super Minipla 系列，本身就是一套食玩，所以都唔會期望太高，但外型總出得幾好。
以這玩具級數嚟講，其實幾貴，幸好，現在半價入手。
笑笑團又有新計劃了…(有時間的話。)

試新嘢︰JUMPWIND匠域金屬油

呢隻金屬油都幾多色，單係銀色都四五隻。
而我比較想試吓金屬彩色系，因為一般如金屬紅做法都係銀底透明紅，感覺好似有層蠟火紙喺面咁，所以我鍾意直接用金屬彩，希望呢隻會有好效果。

銀色非常豐富，又光銀又不鏽鋼咁，在機械結構上可做出多層次感，所以多買幾種。
而彩系主要都是大路色，因為之後會砌奧特曼，所以金屬紅係必然的。

佢話要用專用 Thinner 開金屬油先令喎，買埋囉…

百式 Revive - 後裙甲（二）

每逢到咗膠板作業，都總係膠著狀態，所以對住件百式蹉跎了幾個星期…
其實最唔想做嘅部份都莫過於裙甲底部修飾，因為九成九冇人留意，但唔做好就一定留意到。
今次先處理後裙甲，因為這個在正面一定會睇到。

1. HG原本裙甲底就必然咩都冇啦。
2. 基本上隨意構建機械結構就成了(我做嘅時候都唔覺咁粗邊，睇相時先覺…XD)。
3. 都係一向做法，我盡量會將唔同顏色嘅件分開，而重點係上完色之後唔需要用膠水接會。而自製卡準必要在裙甲開窿插入，否則卡準好易甩。
4. 單純做冇人睇到嘅內構總係唔甘心，所以加點外露部分修飾一吓。

　 之前的相關文章︰

1. 百式 Revive - 頸部及大腿
2. 百式 Revive - 後裙甲
3. 百式 Revive - 天線

Hottoys 神奇女俠 (正義聯盟)

我鍾意神奇女俠，但奈何Hottoys 出BvS版嘅時候個樣真係唔似，所以當時冇買，而家到2.0個樣就好好多了。

又多隻可以去笑笑團

老老實實，我對佢嘅裂甲真係不敢恭維，我只係純粹係萬能俠fans，而更重要係呢盒係模型。

唔知有冇時間砌埋呢隻去笑笑團呢？

百式 Revive - 天線

我相信如果有意對百式進行改造的人，例必會將其“粗壯”的天線換成較幼的金屬支。
而之前的砌 Delta Gundam 時都有這個想法，可惜每次笑笑團都總是時間不足(實際是多數笑笑團模友都愛在最尾幾天才發力…XDD)。

以前大家都喜歡用銅支之類去做天線，而今次我就用現成的。

1. 今次使用的是 Hobby Design 的 1/24 車模用天線。
2. 跟原來的膠天線長度差不多，那就將紅色部份裁走直接替換。
3. 金屬天線相當細緻，效果好，亦不用花心神修飾。
4. 是否要將底坐部份修一修呢？住後再想想。

　 這類車模用天線是有多比例及款式選擇，而最重要就是選擇合用的長度。

　 之前的相關文章︰

1. 百式 Revive - 頸部及大腿
2. 百式 Revive - 後裙甲

百式 Revive - 後裙甲

很久沒有對後裙甲進行改動，但百式後裙甲比較長，不改動的確，活動性總有點阻礙。
尤其流行擺出的“低頭凸J”Pose(Locking-down S-shaped pose)，後裙甲太長必定擺得不好。

1. 基本上大部份HG模型後裙甲都是固定。
2. 幸好，百式的後裙甲正好有條圓柱卡準，隋意找件其他 Bandai 模型多餘的 PC 件用來做活動部份。
3. 將盆骨連接後裙甲的所有卡準直接除掉。
4. PC 件剛剛好可釀入盆骨內。<-(我覺得"釀"字比較貼切)
5. 同時將盆骨上方貼近後裙甲部份亦裁去約 1.5mm(視乎想要多大活動範圍)。
6. 我想，這個幅度已經足夠了。

1. 後來發現後裙甲在活動時會影響側裙甲，沒關係，裁走紅色部份就可以了。
2. 而完成效果亦不會影響外觀。
3. 另一個問題，原來套件本身前盆骨藍色件是會有花油危機。
4. 其實那藍危件我都會進行改動，那就由他存在多一陣子吧。

　 之前的相關文章︰

1. 百式 Revive - 頸部及大腿

又大陸咸蛋超人

好喇，七仔開訂了。